Tareanan
Departamento di Finansas ta responsabel pa entre otro e siguiente tareanan.
Ehecucion di maneho financiero-economico:
- desaroya e maneho financiero den corelacion cu e maneho economico, maneho presupuestario, plan di financiamiento y den coordinacion cu e maneho di e otro ministerionan;
- conseha minister encarga cu finansas y tur otro minister, directornan, hefenan di departamento y funcionarionan encarga cu liderazgo, sea riba peticion of iniciativa propio tocante asuntonan financiero-economico;
- conseha tocante e consecuencia financiero di proposicionnan di maneho;
- conseha minister y departamentonan bou su responsabilidad den cuadro di maneho financiero responsabel.
Maneho di ciclo presupuestario:
- ehecucion di e administracion presupuestario y financiero central pa Pais Aruba;
- coordina formulacion di e presupuesto di ministerionan y e siguiente cambionan presupuestario;
- evalua proposicion presupuestario y calculacion basico di ministerio- y departamentonan bou nan responsabilidad;
- supervisa y raporta riba ehecucion di presupuesto di e ministerionan;
- conseha y sostene entidadnan presupuestario autonomo den nan administracion presupuestario y financiero;
- prepara e relato anual, cuenta anual y otro rapportnan financiero di Pais Aruba;
- controla cumplimento cu reglanan prescribi den Comptabiliteitsverordening 1989 (CV1989) y otro regulacionan resultante for di e ley aki;
- asegura cu e presupuesto di Pais Aruba (of su concepto) ta cumpli cu normanan di e Landsverordening Aruba financieel toezicht (LAft).
Maneho di propiedad publico:
- maneha caha di placa di y papelnan di balor cu ta pertenece na y/of a wordo asigna na Pais Aruba den nomber di e minister encarga cu finansas;
- garantisa un maneho eficiente di entrada y gastonan y di e posicion financiero di Pais Aruba, cu excepcion di impuesto y otro ingresonan cu ta ser colecta door di otro departamentonan di gobierno;
- ehecuta pagonan di Pais Aruba.