Nos organisacion
Departamento di Finansas di Aruba ta e instancia gubernamental encaraga cu duna conseho riba maneho financiero-economico y tene supervision riba finansas publico den nomber di Minister di Finansas. Ademas, Departamento di Finansas tin un rol crucial den e ciclo di maneho, ciclo presupuestario, maneho di fluho di placa, suministro di informacion tocante finansas publico y supervision cu e reglanan di Comptabilidad ta wordo cumpli.
Pa resumi, Departamento di Finansas ta provee maneho financiero strategico, maneho di e ciclo presupuestario y maneho di propiedad publico financiero na beneficio di Pais Aruba.
Historia
Cu entrada di Status Aparte na aña 1986, e dos nivelnan di gobernacion separa cu tabata encarga cu finansas publico na Aruba - esta Territorio Insular Aruba y Pais Antias Hulandes - a wordo uni den un solo instancia central: Departamento di Finansas.
Grafico di Organisacion
Ilustracion di structura di e organisacion ta na idioma Hulandes.
