Responsabilisacion

Pais Aruba ta duna responsabilisacion por medio di un reporte final riba ehecusion di presupuesto di e ministerionan (tambe conoci como responsabilisacion di maneho). 

Relato anual y cuenta anual di Pais Aruba riba e aña di servicio anterior ta ser prepara segun e siguiente guianan:

  • Capitulo VIII di Comptabiliteitsverordening 1989 (CV1989);
  • Protocol Aruba-Hulanda 2019–2021, den januari 2022 a ser prolonga te cu 31 di december 2023
  • Landsverordening Aruba financieel toezicht (LAft).

Na e momento aki cuenta anual di 2023 ta na Controlaria General pa evaluacion y cuenta anual di 2024 ta wordo compila door di Departamento di Finansas. Ora cu nan ser presenta oficialmente na Parlamento di Aruba, e cuenta anualnan lo wordo publica aki.

Fechanan importante

  • No mas laat cu 1 di juni: E cuenta anual mester ser presenta na Controlaria General (CV Art. 42).
  • Dentro di 12 siman despues di ricibi e relato: Controlaria General ta evalua e cuenta anual y ta presenta su rapport na Minister di Finansas (CV Art. 44).
  • No mas laat cu 1 di september: E cuenta anual, e concepto di ordenansa nacional pa establece e saldo di e cuenta di operacion y e rapport di Controlaria General ta ser presenta na Parlamento di Aruba (CV Art. 45).