Curso
Pais Aruba ta ofrece curso riba finansas publico na su personal. E training ta destina pa fortifica conosemento y habilidad den area di maneho financiero y gobernacion responsabel. Por haya acceso na e cursonan via e linknan akibou. Nos ta encurasha bo pa participa activamente y ta desea bo hopi exito y goso den bo siñamento.
Leergang Openbare Financiën Aruba
E curso aki ta den idioma Hulandes. Leergang Openbare Financiën Aruba (LOFA) ta resorta bou maneho pa educacion di minister encarga cu finansas y por wordo considera como educacion financiero continuo pa ambtenaar. E obhetivo general di LOFA ta pa mehora y optimalisa procesonan administrativo financiero pa asina cumpli cu exigencia di un ambiente laboral cu ta cambia constantemente. LOFA ta consisti di un modulo basico y cuater modulo avansa (Cuadro Huridico, Proceso di Maneho, Ciclo Presupuestario, y Operacionan).
Compronde Comptabilidad di Pais Aruba
E curso aki ta wordo duna na Papiamento riba e plataforma di Land Aruba Academy (LAA) maneha pa Departamento di Recurso Humano (DRH). Den e curso bo lo wordo introduci cu e concepto di finansas publico y compronde dicon comptabilidad ta importante. Bo lo pasa door di e ciclo presupuestario, esta preparacion di presupuesto, ehecucion di presupuesto y cuenta anual. Tambe bo lo siña tocante e reglanan mas relevante di e ley di Comptabilidad. E curso aki ta pa empleado publico cu no ta den un funcion financiero y ta interesa den Comptabilidad y/of empleadonan nobo di gobierno.
