The content has finished loading

Logo Directie Financiën Aruba
Logo Directie Financiën Aruba

Idiomanan disponibel:

Ciclo presupuestario

E ciclo presupuestario ta un proceso sistematico cu e ministerionan ta usa pa planifica, ehecuta, monitorea y hustifica nan maneho. Den otro palabra, presupuesto di Pais ta e traduccion financiero di e maneho di gobierno di Aruba. Den termino amplio, e ciclo presupuestario ta consisti di tres fase: preparacion, ehecucion y responsabilisacion. 

  • Preparacion

    Preparacion ta incera prepara, entrega, aproba y establece (concepto of cambio di) presupuestonan di e ministerionan pa un aña di servicio specifico. Aprobacion final di e presupuestonan di Pais Aruba ta tuma lugar pa medio di Parlamento di Aruba.

  • Ehecucion

    Ehecucion di presupuesto ta tuma lugar durante e aña di servicio pa cual e presupuesto ta referi. Actividadnan di financiamiento y cambionan riba presupuesto di e ministerionan ta forma parti di e fase di ehecucion.

  • Financiamento

    Financiamento ta forma parti di e fase di ehecucion, y ta un elemento clave durante e aña di servicio como cu emision di fiansa y maneho di caha ta determina e posicion di debe di Pais Aruba.

  • Responsabilisacion

    E hustificacion riba ehecusion di presupuesto ta tuma lugar ora cu entrega e cuenta anual, e concepto di ordenansa nacional pa establece e saldo di e cuenta di operacion y e rapport di Controlaria General di Aruba (ARA). E ciclo presupuestario ta wordo cera ora cu e ordenansa nacional wordo aproba door di Parlamento di Aruba.

Fasenan di preparacion, ehecucion y responsabilisacion

Preparacion:

  • Kico gobierno kier logra?
  • Con gobierno ta bay logra su meta?
  • Cuanto e lo costa?
  • Cuanto recurso gobierno tin disponibel?

Ehecucion:

  • Tur cos ta cana segun plan?
  • E gastonan ta keda dentro di presupuesto?
  • Con ta wordo (re)financia?
  • Tin motibo pa ahusta e presupuesto? 

Responsabilisacion:

  • Kiko ta e resultadonan?
  • E maneho a wordo ehecuta eficientemente?
  • E maneho a wordo implementa efectivamente?
  • Cuanto el a costa?

Idiomanan disponibel: